Sanjay Bhansali couldn’t work with Sushant Singh Rajput due to date issues: Mumbai Policeتصویر سوشل میڈیا

نئی دہلی: ممبئی پولیس نے منگل کے روز بتایاکہ بالی ووڈ فلمساز سنجے لیلا بھنسالی متوفی اداکار سوشانت سنگھ راجپوت کو چار فلموں میں کاسٹ کرنے کا ارادہ کر رہے تھے، لیکن ان کی تاریخوں کی عدم دستیابی کے سبب فلموں میں دوسرے اداکاروں کو لیاگیا۔

ممبئی کی باندرہ پولیس، جو سوشانت سنگھ کی خودکشی کے معاملے میں پیشہ وارانہ دشمنی کا پتہ لگارہی ہے، نے بھنسالی سے پوچھ گچھ کرکے ان کا بیان ریکارڈ کیاتھا۔ اس معاملے کی تحقیقات کرنے والے ایک سینئر پولیس افسر نے بتایا کہ پوچھ گچھ کے دوران، یہ بات سامنے آئی کہ سوشانت سنگھ، بھنسالی کے ساتھ کام نہیں کرسکتے تھے کیونکہ ان کے پاس تاریخیں دستیاب نہیں تھیں۔

بتادیں کہ پولیس اس بات کی جانچ کررہی ہے کہ سوشانت ، بھنسالی کے ساتھ فلمیں کیوں نہیں کرپارہا تھا اور سوشانت کے دوسرے پروڈکشن ہاؤ سز کے ساتھ معاہدوں کی بھی جانچ کی جارہی ہے۔ عہدیدار نے بتایا کہ اس کیس کی تمام اہم تفصیلات کی چھان بین کی جارہی ہے ، انہوں نے مزید کہا کہ پولیس نے اب تک سوشانت کے کنبہ کے افراد ، قریبی دوستوں اور ساتھیوں سمیت 34 افراد کے بیانات قلمبند کیے ہیں۔انہوں نے بتایا کہ پولیس سوشانت کے مائیکرو بلاگنگ ہینڈل سے اپ لوڈ ہونے والے ان مبینہ ٹویٹس پر بھی ٹویٹر کے جواب کا انتظار کر رہی ہے جو ان کی موت سے قبل ہی سوشل میڈیا پر جاری تھیں۔

افسران نے یہ بھی کہا کہ سوشانت جس عمارت میں رہائش پذیر تھے اس کی سی سی ٹی وی فوٹیج کو تفتیش کے لئے تحویل میں لیا گیا ہے۔ انہوں نے مزید کہا کہ مرحوم اداکار کے گھر میں کوئی سی سی ٹی وی نہیں لگا تھا۔پولیس نے اس سے قبل سوشانت کے جسمانی اعضاءکے نمونے اور جس کپڑے سے انھوں نے پھانسی لگائی تھی اسے فورنسک جانچ کیلئےکالینہ کی فورنسک لیبارٹری میں بھیج دیاہے اور رپورٹ کاانتظارہے۔

Leave a Reply

Your email address will not be published. Required fields are marked *